طول ما مبارك و العادلي و عزمي و صفوت و سرور و عز و جمال و علاء لسة عايشين يبقى البلد مش هتستقر .. طول ما أحمد شفيق و عمر سليمان و سوزان مبارك و مرتضى منصور و سمير زاهر و باقي الفاسدين برة السجن يبقى البلد مش هتستقر .. طول ما مرتزقة أمن الدولة من القتلة و الملفقاتية و الجواسيس و الجلادين لسة متسرحين من غير عقاب أو حساب يبقى البلد مش هتستقر .. طول ما أقطاب الفلول في الجامعات و البنوك و الشركات و القرى و المؤسسات لسة في مناصبهم يبقى البلد مش هتستقر .. طول ما أراجوزات و أبواق و أقلام الفساد و الكذب لا زالت تعمل على قدم و ساق في مدح السلطان و تشويه المعارضين و تضليل المغفلين يبقى البلد مش هتستقر .. طول ما جهاز الشرطة يداه ملوثة بدماء الشهداء دون تطهير أو محاسبة للمخطئين يبقى البلد مش هتستقر .. طول ما المجلس العسكري لسة بيحكم بنفس الغباء و نفس العناد و نفس الظلم و الفساد و احنا شايفين و ساكتين يبقى البلد مش هتستقر ..... بإختصار البلد تحتاج الى نظافة , و النظافة من الإيمان .. فهيا يا مؤمنين كي ننظف بلدنا.
ليست هناك تعليقات:
إرسال تعليق